Франциа адәныҟатәи аусқәа рминистр иҳәамҭала, европатәи атәылақәа Америка иадаргалеит Украина аибашьра аҵыхәҧҵәара иазку аиҿцәажәарақәа рҿы рхатә «ацәаҳәа ҟаҧшьқәа»

Франциа адәныҟатәи аусқәа рминистр Жан-Ноель Барро иҳәамҭала, европатәи атәылақәа Америка иадаргалеит Украина аибашьра аҵыхәҧҵәара иазку аиҿцәажәарақәа рҿы рхатә «ацәаҳәа ҟаҧшьқәа». Агентра  Reuters адыррала, Франциа адипломат хада ари аҳәамҭа ҟаиҵеит  Franceinfo иеиҭаз аинтервиу аҿы.

Жан-Ноель Барро иажәақәа рыла, амца аанкылара иазкны  Лондон имҩаҧысуа аиҿцәажәарақәа раан  украинатәи европатәи аганқәа  даҽазнык иаҵшьны иазгәарҭоит дара гәыҕрақәас ирымоу.

«Ҳара ҳзыргәамҵуа, хықәкыс иҳамоу акоуп — афранцыз жәлар ринтересқәа рыхьчареи Европа ашәарҭадареи. Америка анапхгара абжьацәажәаратә роль анагӡара рҽазыркит, убри аҟынтә, ҳцәаҳәа ҟаҧшьқәа ирызкны аинформациа наӡа раҳҭароуп», — иҳәеит Барро.