Бырзентәыла, Афины ақалақьаҿ имҩаҧысуа Франкофониа Апарламенттә ассамблеиа европатәи арегионалтә аиҧылара алахәылацәа Қырҭтәыла адгыларатә декларациа аус адырулеит. Аиҧылара иалахәып Қырҭтәыла апарламенттә делегациагьы. Адекларациаҿы  арегионаҿ ауаҩытәыҩса ихадаратә зинқәеи, аҭынчреи, аҭышәынтәалареи, ашәарҭадареи иалацәажәоит.

Қырҭтәыла апарламент апресс-маҵзура адыррала, Қырҭтәыла апарламенттә делегациа алахәылацәа адекларациа аҵыхәтәантәи авариант иацҵатәыз апунктқәа цәырыргеит, арҭ апунктқәа импыҵахалоу аҵакырадгьылқәа рҿы ауаҩытәыҩса изинқәеи  аҵакырадгьылтә акзаареи азҵаарақәа ирызкуп.

Адекларациаҿы  Қырҭтәыла ахьыҧшымреи аҵакырадгьылтә акзаареи  адгылара ҕәҕәа азаарҧшуп, иара убас, Урыстәылахь ааҧхьара ҟарҵоит Қырҭтәыла импыҵахалоу арегионқәа ирықәынхо ауааҧсыра рхадаратә зинқәа реилагара иаҟәыҵырц.

«Франкофониа Апарламенттә ассамблеиа – Франкофониа жәларбжьаратәи аиҿкаара аконсультациатә органуп. Ассамблеиа активла аус ауеит  адемократиа аҿиареи ауаҩытәыҩса изинқәа рыхьчареи ахырхарҭала, иара убас,  уи иалахәы аҳәынҭқаррақәа рыбжьара аинформациа аиҭныҧсахалареи адиалоги азыҳәан активтә платформоуп», — азгәарҭеит Қырҭтәыла апарламент апресс-маҵзураҿы.

2023 шықәса ҧхынгәы инаркны, Қырҭтәыла Франкофониа Апарламенттә ассамблеиа ассоциациатә алахәыла астатус амоуп.