Ҧхынҷкәын 13 рзы Қырҭтәыла имҩаҧысуа «Евровизиа» ахәыҷтәы ашәаҳәаратә конкурс мҩаҧыргоит  Лиза Циклаурии Давиҭ Аладашвилии.

Лиза Циклаури – Қырҭтәыла Ауаажәларратә дырраҭараҿы  аинформациатә программақәа рымҩаҧгаҩс аус луеит. Акыршықәса ирылагӡаны еиуеиҧшым зҵакы дуу жәларбжьаратәи аусмҩаҧгатәқәеи аконцертқәеи ателепрограммақәеи мҩаҧылгахьеит.

Давиҭ Аладашвили – дпианиступ, аха, уи адагьы, Қырҭтәыла Актәи аканалаҿ ателепроект  «Ранина» мҩаҧигоит.

Қырҭтәыла аконкурс  «Ахәыҷтәы Евровизиа» иҩынтә имҩаҧысуеит. Раҧхьаӡа атәылаҿ ари аконкурс мҩаҧган  2017 шықәсазы.

2025 шықәсатәи аконкурс рхы аладырхәоит  9 шықәса инаркны  14 шықәсанӡа зхыҵуа ашәаҳәаҩцәа адунеи еиуеиҧшым атәылақәа рҟынтә.

«Ахәыҷтәы Евровизиа  2025» мҩаҧысуеит ҧхынҷкәын 13, асааҭ  20:00 рзы, Қарҭ Аолимпиатә аханаҿ.

Ишиашо ицо атранслиациа жәбар шәылшоит Қырҭтәыла Ауаажәларратә дырраҭара ала.