Евровизиа – 2026 аҿы Қырҭтәыла ахьӡала иқәгылоит ахәыҷтәы “Евровизиа 2008” аҿы аиааира згаз агәыҧ «Бзикеби»

Евровизиа – 2026 аҿы Қырҭтәыла ахьӡала иқәгылоит ахәыҷтәы “Евровизиа 2008” аҿы аиааира згаз агәыҧ  «Бзикеби».

Агәыҧ иалоуп Гьаргь  Шиолашвилии, Мариам Татулашвилии, Мариам Кикуашвилии.

Ари агәыҧ еиҿкаан Қарҭ, 2008 шықәсазы. Аханатә дара хаз-хазы ашәа рҳәон, аха, анеҩс, амилаҭтә конкурс ажиури рыӡбарала, гәыҧк аҳасабала ишьақәгылеит.  Усҟан дара 10-10 шықәса рхыҵуан.

Ари агәыҧ 2008 шықәсазы Кипр имҩаҧысуаз ахәыҷтәы «Евровизиа» аҿы аиааира агеит.

18 шықәса рнеҩс,   «Бзикеби»  асценашҟа ихынҳәит.

Ауаажәларратә дырраҭара аӡбарала, ари агәыҧ Австриа аҳҭнықалақьаҿ Вена имҩаҧысуа «Евровизиа -2026» аҿы Қырҭтәыла ахьӡала иқәгылоит.