«Қырҭтәыла  зҵакы дуу аамҭа иҭагылоуп», — иануп Европарламент хҩык алахәылацәа иҟарҵаз аҳәамҭаҿы.

Аҳәамҭа авторцәоуп Европарламент жәларбжьаратәи аизыҟазаашьақәа рзы акомитет ахантәаҩы  Девид Макаллистери,  Аахыҵ Кавказ аҟны аимадаразы аделегациа анапхгаҩы  Нильс Ушакови, Евронест Апарламенттә Ассамблеиа аделегациа анапхгаҩы  Сергеи Лагодинскии.

Аҳәамҭа ишану ала, дара алхрашьҭахьтәи аамҭа ҭынч имҩаҧысып ҳәа игәыҕуеит, иара убас, ишазгәарҭаз ала, Қырҭтәыла,  зыҧшра ҟамҵакәа, Евроеидгыла амҩашҟа ахынҳәразы иаҭаху  ашьаҿақәа ҟанаҵароуп.

“Жьҭаара 26 рзы имҩаҧгаз алхрақәа раан ақырҭуа жәлар даҽазнык аадырҧшит адемократиатә принципқәа ишрызгәыку.  Алхрақәа ирыцклаҧшуаз жәларбжьаратәи анаҧшратә миссиа заанаҵтәи аихшьаалақәа рыла, арҭ алхарақәа раан алхыҩцәа рықәыҕәҕәареи, еиҟарамыз аҭагылазаашьақәеи, аполиаризациатә медиаҭагылазаашьеи иазку адыррақәа иҟоуп. Жәларбжьаратәи анаҧшцәа излацәажәо аилагарақәа иреиуп амчылареи, алхыҩцәа рхыхреи, иҩбоу абжьыҭиреи, алхыҩцәа рыршәареи афактқәа.  Аилагарақәа зегьы иашьашәалоу апроцедурақәа инрықәырәшаны еилыргазароуп. Уи Қырҭтәылазы аҵакы ду амоуп.

2023 шықәсазы ари атәыла акандидат астатус ананаршьа ашьҭахь, ари атәылаҿ раҧхьатәи алхрақәа мҩаҧган.  Атәым агентра ирызку азакәан адкылара амшала ари апроцесс аанкылоуп. Ақырҭуа жәлар еснагь аадырҧшуеит евроеидгыла иалоу адемократиатә Қырҭтәыла рбар шырҭаху. Алхрашьҭахьтәи аамҭа ҭынч имҩаҧысып ҳәа ҳгәыҕуеит, Қырҭтәыла,  зыҧшра ҟамҵакәа, Евроеидгыла амҩашҟа ахынҳәразы иаҭаху  ашьаҿақәа ҟанаҵароуп. Ҳара Қырҭтәыла аҭагылазаашьа ацклаҧшреи адемократиатә институтқәа рырҕәҕәара ацхраареи  наҳагӡоит. Ҳара иуадаҩу аамҭа иҭагылоу,  зхатә тәылауаа адемократиатә ҧеиҧш рзеиқәыршәара иазҿлымҳау Қырҭәтыла ацхраара ҳазыхиоуп», — иануп аҳәамҭаҿы.