Европарламент Қырҭтәыла иазку арезолиуциа авариант ҿыц цәырнагеит.

Арезолиуциа апроект аус адырулеит абарҭ аполитикатә гәыҧқәа: Европа жәлар рпартиа; асоциал-демократиатә политикатә гәыҧ; европатәи аконсерваторцәеи ареформистцәеи рполитикатә гәыҧ; аполитикатә гәыҧ  Renew; аиаҵәақәа/европаа зхы иақәиҭу ралианс аполитикатә гәыҧ, иара убас, евродепутатцәагьы: Ионас Шиостедти Ҳана Гедини.

Арезолиуциа апроект иануп:

„Қырҭтәыла аиҳабыра азеиҧш информациа абара алшара иаҳа идырцәгьеит, асоветтә аамҭақәа рархивқәа рбарагьы, дара архивқәа рбаразы ишьақәдыргылаз аҧкрақәа рырқьиаразы Евроеидгыла адыррақәа рыхьчара арегулиациақәак  рхы иадырхәоит. Қырҭтәыла зҵакы дуӡӡоу, асоветтә аамҭақәа рхаантәи архивқәа 2023 шықәса жьҭаара инаркны зынӡаскгьы иадыркит изакәызаалак аилыркаарак ҟамҵакәа; иаҵшьны иазгәаҳҭоит Урыстәыла, Украина иаҿагыло агрессиатә аибашьреи егьырҭ атәылақәа рықәмақарреи азыҳәан,  аҭоурых ала, асоветтә ҭоурыхлагьы аманипулиациеи афактқәа рфальсификациеи  ишаҿу; Қырҭтәылаҿ  аиҳабыра изыдгыло Сталин икульт азҳареи асоветтә аамҭақәа рыгәхьаагареи ҳаргәамҵуеит, уи алагьы иубарҭаоуп Қырҭтәыла анапхгара Урыстәыла ишадҳәалоу“ – иануп арезолиуциаҿы.