Европарламент адепутат  Начо Санчес Амора иҳәамҭала, Қырҭтәыла имҩаҧгаз алхрақәа жәларбжьаратәи уаажәларрала иазхаҵан,  убри аҟынтә,  Қырҭтәыла  алегитимтә напхгара иҟоуп.

Иара ишиҳәаз ала, Қырҭтәыла акандидат астатус уажәыҵәҟьа  аҭара дақәшаҳаҭуп.

«Жәларбжьаратәи уаажәларра алхрақәа рылҵшәақәа иазхарҵеит,  убри аҟынтә,  атәылаҿы алегитимтә еиҳабыра иҟоуп.  Ареформақәа мҩаҧыргоит,  уи иаанагоит Қырҭтәыла ҧхьаҟацара иаҿуп ҳәа.  Х-кандидатк ҳанрылацәажәо,  араҟа агеополитикатә операциоуп  иҟаз,  уи Қырҭтәыла аҩныҵҟа иҟоу аҭагылазаашьа иадҳәалам.  Ус ҟамлар акәын.  Ҳара кандидаткгьы ҳзимацәажәеит, избанзар тәылакгьы  акритериқәа ирышьашәаламызт. Уи агеополитикатә операциоуп.  Ҳара азҵаабҕьыцқәа раҳҭеит.  «Ақырҭуа гәахәтәы» ареформақәа мҩаҧыргом, уи ҳаргәамҵуеит. Ҳрықәыҕәҕәацәоит, аха, иҵабыргны иуҳәозар, абри зегьы аибашьра иадҳәалоуп.  Сара Қырҭтәыла акандидат астатус уажәыҵәҟьа аҭара сақәшаҳаҭуп, ари атәыла даҽа ҭагылазаашьак аҭаргылара  – аполиаризациа зырҕәҕәо ииашам аӡбароуп. Рыцҳарас иҟалаз, дара абасҵәҟьоуп ишыҟарҵаз, уи азы аҭак рыҧхықәуп. Уажәы атехникатә еиҳабыра иалацәажәоит. Абри зегьы иҳадаҳкылаз аӡбара амшалоуп ишыҟалаз, атәылаҿы аполиаризациа ҕәҕәахеит.  Абра иҳадаҳкыло аӡбарақәа алҵшәа цәгьа рхылҵыр ауеит. Ҳара аполиаризациа арҕәҕәара акәымкәа, уи аиҵатәроуп еиқәҳаршәаша», — иҳәеит  Начо Санчес Амор.