«Украинеи, Қырҭтәылеи, Молдовеи, Аахыҵ Кавказ атәылақәеи  рыдгылара зеиҧшҟамлац аҵакы амоуп», — иҳәеит Еврокомиссиа анагӡаратә авице-ахада  Валдис Домбровскис Европарламент аилатәараҿы данықәгылоз.

Евроеидгыла ала Украина ацхраара даналацәажәоз иара ишазгәеиҭаз ала, ари апроцесс хыркәшазароуп Киев иазыфеидоу аҭагылазаашьала, Украина аҵакырадгьылтә акзаара ҳаҭыр ақәҵаны.

«Аибашьра хыркәшазароуп Киев иазыфеидоу аҭагылазаашьа ала, Украина ахьыҧшымреи аҵакырадгьылтә акзаареи пату ақәҵарала. Евроеидгыла ари аибашьраҿы Украина аиааирагараҿы иацхраауеит. Урыстәылатәи агрессиа афонаҿ, ҳара, мрагыларатә партниорцәа рҟны ашәарҭадареи ахыхьчареи аусхкқәа рҿы аусеицура ҳарҕәҕәоит. Украинеи, Қырҭтәылеи, Молдовеи, Аахыҵ Кавказ атәылақәеи  рыдгылара зеиҧшҟамлац аҵакы амоуп», — иҳәеит Еврокомиссиа авице-ахада.

Валдис Домбровскис иажәақәа рыла, Мрагыларатә партниорра атәылақәа рҟны аусеицураҿы аҧыжәара рымазаауеит азакәан аиҳаӡареи, аекологиеи, акоммуникациақәеи,  ацифратә системақәеи, ауаҩытәыҩсатә аимадарақәеи  рхырхарҭала ареформақәа рымҩаҧгара азҵаара.