Еврокомиссиа асаит аҿы европатәи аекономикатә азҧхьагәаҭарақәа цәыргоуп. Уаҟа Қырҭтәыла иазку адыррақәагьы иарбоуп.

Аҳасабырба инақәыршәаны, 2024 шықәсазы Қырҭтәыла аекономикатә азҳара ду  – 9,4 наӡына азҳара иҟан. Иарбоу аамҭа иалагӡаны,  аинвестициақәагьы ирыцлеит, уи абизнес-кредитқәа реизырҳареи,  анаплакқәа иаадырҧшыз афинанстә алҵшәа бзиақәеи,  аҳәынҭқарратә инвестициақәа реизырҳареи иабзоуроуп.

«2025–2026 шықәсқәа рзы азҳара аласра маҷхар ауеит, аха иҭышәынтәалоу арбагаҿ  5–6% аҿы иаанхоит.

Абизнес кредитқәеи аҳәынҭқарратә инвестициақәеи реизырҳара абзоурала, азеиҧш инвестициақәа рҭаӡара иаҳа идухоит.», — иануп аҳасабырбаҿы.

Иара убас, Еврокомиссиа аҳасабырбаҿы ишазәгаҭоу ала, аекономикатә азҳара абзоурала, аусурҭадара арбага акырӡа илаҟәит:  2023 шықәсазы иҟаз 16,4% аҟынтә   2024 шықәсазы 16,4%-нӡа.   2025 – 2026 шықәсқәа рзы аусурҭадара аҩаӡара иҵегьы илаҟәхар ҟалап. Аҳасабырба инақәыршәаны 2024 шықәсазы аусурҭала аиқәыршәара арбага азҳаит  2,5 наӡынала, аха, ари арбага уажәгьы имаҷуп  — 47,1% иаҟароуп.

Заанаҵтәи адыррақәа рыла, аулафахәы акырӡа иацлеит, ари аганахьала 2024 шықәсазы 15 наӡына азҳара иҟан, уи убарҭоуп факторқәак рыла, урҭ иреиуп  Урыстәылантә иааиз зквалификациа ҳараку амигрантцәа, чыдала  ИТ-сектор аҿы. Азҧхьагәаҭарақәа инрықәыршәаны, анеҩстәи ашықәсқәа рзы аулафахәы азҳара аццакра  маҷхоит», — иануп аҳасабырбаҿы.