Еврокомиссиа Урыстәылаҟны аизыҟазаашьақәа ирызку астратегиа аҿыц цәырнагеит. Адокумент ишану ала, Евроеидгыла, азеиҧш ҽазышәара ала, Урыстәылантә иҟоу ашәарҭарақәа  еиҧҟьарада ирықәҿнаҭроуп.

Адокумент аҿы ишазгәаҭоу ала, Евроеидгылаҟны аизыҟазаашьақәа рхылаҧшра азҵаара  «Бриуссель азы крызҵазкәа ҳасабтәуп, избанзар, Урыстәыла Евроеидгыла аҩнуҵҟатәи аусқәа рҽаланагалоит, Евроеидгыла алахәылацәеи агәылара иҟоу атәылақәеи рҿы адестабилизациа иазҿлымҳауп».

«Урыстәыла, аҭыҧ иқәҵам аимакқәа рҿы амч ахархәареи агибридтә еибашьреи нанагӡоит, Украинеи, Қырҭтәылеи, Молдовеи, иара убас, Сириеи Ливиеи аимакқәа реицраршәара иазҿлымҳауп.

Евроеидгыла Ҟрымтәи адгьылбжьахала азакәандаратә аннексиеи, иара убас, ақырҭуа регионқәа Аҧсни Аахыҵ Уаҧстәылеи рхьыҧшымра иазханаҵом», — иануп Еврокомиссиа  аҳәамҭаҿы.

Еврокомиссиа ала еиқәыршәоу адокумент иахәаҧшуеит рашәара анҵәамҭазы имҩаҧысуа Евроеидгыла алидерцәа рсаммит аҿы.