Қырҭтәыла аизга азыҟаҵаҩ хада Вилли Саниоль Ҭырқәтәыла аизгаҟны аматч ашьҭахь апрессконференциа мҩаҧганы, Европа ачемпионатаҿ адебиуттә матч дахцәажәеит.

„Ҳәарада, аҵахара узақәгәырҕьом,  аха, иахьа ҳара изныкымкәа ампыл аҭаршәра алшара ҳаман, ахәмарра даараӡа ибзиан, ҳкамандеи ахәаҧшцәа идҳарбаз ахәмарреи сгәы аздууп. Ахәмарра бзиа дҳарбеит, уи даараӡа сеигәырҕьоит.

Европа ачемпионатаҿ ахәмарра аҧышәа ду ҳнаҭоит, аҿиараҿы иҳацхраауеит. Ари атурнир ҽакала ҳахәаҧшроуп,  – Қырҭтәылазы уи ҳамҭоуп.

Агәыҧ алҵра алацәажәара заацәоуп. Ахәмарра бзиа дҳарбароуп, уи ауп ихадоу. Агәра ганы сыҟоуп асабшазгьы аматч бзиа шымҩаҧааго.  Микаутаӡе аҭоурыхтә ампыл ҭаиршәеит, иқәҿиара сеигәырҕьоит.

Аиааиразы аҧышәа ҳзымхазар  ҟалап. Агәра ганы сыҟоуп ҳаҧхьаҟа Қырҭтәыла абри аҩыза аматчқәа рҿы ишаҵамхо.  Иахьатәи аҵахара аҧышәа ду ҳнаҭеит. Ахәмарҩцәа рзы бзиамзар акгьы сзыҳәом“, – иҳәеит Вилли Саниоль.