Адәныҟатәи аизыҟазаашьақәа рзы акомитет ахантәаҩы  Николоз Самхараӡеи акомитет алахәылацәеи аофициалтә визитла Шәамахьтәыла иҟоуп. Ереван имҩаҧган Қырҭтәылеи Шәамахьтәылеи рпарламентқәа рҿы иҟоу адәныҟатәи аизыҟазаашьақәа рзы акомитетқәа есышықәсатәи реилатәара. Аилатәара рхы аладырхәит  Николоз Самхараӡеи Шәамахьтәыла Амилаҭтә аизараҿ иҟоу адәныҟатәи аизыҟазаашьақәа рзы еснагьтәи акомитет ахантәаҩы Саргис Ханданиани акомитет алахәылацәеи.

Аганқәа рхаҭарнакцәа Қырҭтәылеи Шәамахьтәылеи рпартниорреи уажәтәи русеицуреи иалацәажәеит. Иаҵшьны иазгәаҭан апарламенттә аҩаӡараҟны аформат ҿыцқәа рырҿиара аҵакцы.

Иара убас, аиҧылара алахәылацәа арегионалтә шәарҭадара азҵаареи Қырҭтәыла импыҵахалоу аҵакырадгьылқәа рҿы аҭагылазаашьа цәгьеи иазааҭгылеит. Ақырҭуа аган рколлегацәа инарҭбаау аинформациа рырҭеит Қырҭтәыла имҩаҧысраны иҟоу апарламенттә аилхрақәеи алхраҧхьатәи аҭагылазаашьеи иазкны.

Шәамахьтәыла Амилаҭтә аизараҿ иҟоу адәныҟатәи аизыҟазаашьақәа рзы еснагьтәи акомитет ахантәаҩы Саргис Ханданиан Қырҭтәыла апарламенттә делегациа алахәылацәа аинформациа риҭеит Шәамахьтәылеи Азербаиџьани реизыҟазаашьақәа рҿы имҩаҧысуа апроцессқәа ирызкны.