«Уажәы абра иҟоу аҧыза-министр иасҳәар сҭахуп – Қырҭтәыла европатәи ахырхарҭа ишазгәыку, иара убас, адемократиатә модель ишақәныҟәо  шьақәнарҕәҕәап ҳәа сгәыҕуеит», — иҳәеит Франциа ахада Еммануель Макрон Европатәи аполитикатә еидгыла асаммит аҿы.

Макрон иҳәамҭала, «европатәи адемократиатә модель ашәарҭара иҭагылоуп ҳәа игәы иаанагоит».

«Аҵыхәтәантәи амчыбжьқәа рзы иҟалаз ахҭысқәа ҳрылацәажәозар, европатәи адемократиатә модельгьы ашәарҭара иҭагылоуп ҳәа сгәы иаанагоит. Қырҭтәылеи Молдовеи иакымкәа ажәыларақәа мҩаҧган, акибержәыларақәа, алхыҩцәа рхыхра, аманипулиациақәа. Анаҧшцәа зегьы уи иазгәарҭеит. Маиа Санду алхрақәа рҿы аиааира лыдысныҳәалар сҭахуп. Уажәы абра иҟоу аҧыза-министр иасҳәар сҭахуп – Қырҭтәыла европатәи ахырхарҭа ишазгәыку, иара убас, адемократиатә модель ишақәныҟәо  шьақәнарҕәҕәап ҳәа сгәыҕуеит», — иҳәеит Еммануель Макрон.

Европатәи аполитикатә аидгыла асаммит Будапешт имҩаҧысуеит. Асаммит иалахәып  40 раҟара аҳәынҭқаррақәа рлидерцәа, урҭ рыгәҭа Қырҭтәыла аҧыза-министр Иракли Кобахиӡегьы.