Америка ахада Дональд Трамп иҳәамҭала, Америка анхареи аусуратә ҭыҧқәа раҧҵареи  зҭаху атәымуаа  «ахьтәы картақәа» рзыҭира далагар иҭахуп.

Америка ахада иҳәамҭала,  «ахьтәы карта» 5 миллион адоллар иаҧсазаауеит.

Дональд Трамп ишазгәеиҭаз ала, ари аӡбара амч аиур ҟалап ҩымчыбжь рышьҭахь.

«Ҳара  «ахьтәы карта» аҭира ҳалагоит. Шәара  «акарта иаҵәа» шәымоуп, ари  «ахьтәы картоуп». Ари акарта ахәҧса шьақәҳыргылоит  — 5 миллион адоллар иаҧсазаауеит, —  уи  «грин-карта» иамоу азинҷыдақәа шәнаҭоит, атәылауаҩра аиура алшара шәызцәырҵуеит. Абри акартала ауаа беиақәа ҳтәыла иаҭааир рылшоит, дара аҧара рацәа нырхуеит, ашәахтәқәа рацәа ршәоит, ауаа рацәа аусурҭала еиқәдыршәоит», — иҳәеит Трамп.

Аурыс олигархцәа  «ахьтәы карта» роур рылшома ҳәа ианиазҵаа, ​​Дональд Трамп иҳәеит: «Ааи».

«Урыстәылатәи аолигархцәақәак здыруеит, даараӡа ауаа бзиақәоуп. Уи еиҧш алшара роуеит, — ихәеит Америка ахада.