«Америка ахьтәы ашәышықәса уажәоуп ианалаго, иахьа инаркны ҳтәыла ашәҭыкакаҷра иалагоит, адунеи зехьынџьара ҳтәыла ҳаҭырла иазныҟәо иалагоит. Зегьы иҳаҵашьыцратәы иҟаҳҵоит, ахаангьы аӡәгьы ҳаҳаҭыр лаирҟәырц азин иаҳҭом», — иҳәеит Америка ахада Дональд Трамп иинаугурациатә ажәахә аҿы.

Трамп ишиҳәаз ала, иадминистрациа хықәкыс иамазаауеит иҧагьу, ишәҭыкакаҷу, зхы иақәиҭу атәыла аҧҵара.

«Сара есымша Америка актәи аҭыҧаҿ исыргылоит. Ҳсуверинитет еиҭашьақәгылоит, ҳшәарҭадара еиҭашьақәгылоит, аиашаӡбара акапангақәа абаланс рызузаауеит. Аиустициа аминистрреи ҳаиҳабыреи гәымбыџьбарала, ииашамкәа, мчыла рызныҟәара аҵыхәа ҧаҳҵәоит.  Ахықәкы хадас  иҳамазаауеит иҧагьу, ишәҭыкакаҷу, зхы иақәиҭу атәыла аҧҵара», — иҳәеит Трамп.

Дональд Трамп ишиҳәаз ала, хара имгакәа Америка иаҳа идухоит, зеиҧшҟамлац ала иҕәҕәахоит.