Девид Макаллистери, Нил Ушакови, Сергеи Лагодинскии Раса Иукнавиченеи Қырҭтәыла аполиткиатә лидерцәа асанкциақәа рзышьақәыргыларазы ааҧхьара ҟарҵеит
Девид Макаллистери, Нил Ушакови, Сергеи Лагодинскии Раса Иукнавиченеи Қырҭтәыла аполиткиатә лидерцәа асанкциақәа рзышьақәыргыларазы ааҧхьара ҟарҵеит

Европарламент ҧшьҩык адепутатцәа Қырҭтәыла иадҳәаланы аҳәамҭа еицыҟарҵеит.  Аҳәамҭа  рнапы аҵарҩит Европарламентаҿ иҟоу жәларбжьаратәи еизыҟазаашьақәа рзы акомитет ахантәаҩы Девид Макаллистери, Евроеидгыла-Қырҭтәыла апарламентбжьаратә ассоциациа акомитет аделегациа ахантәаҩы Нил Ушакови, Евронест Апарламенттә ассамблеиа аделегациа ахантәаҩы Сергей Лагодинскии, Қырҭтәыла азҵаарақәа рзы ажәахәҟаҵаҩы  Раса Иукневичиенеи.

«Ҳара Евроеидгылеи уи иалоу аҳәынҭқаррақәеи рахь ааҧхьара ҟаҳҵоит Қырҭтәыла аполитикатә лидерцәа асанкциақәа рзышьақәдыргыларц. Иара убас, ҳара арепрессиақәеи аинтеграциа апроцесс аанкылареи азы аполитикатә ҭакҧхықәра зду Биӡина Иванишвили хаҭалатәи асанкциақәа изышьақәыргылара иазку ҳаҳәара еиҭақәҳаргылоит. Қырҭтәыла алхрақәа ҧаршеин, убри аҟынтә, ари атәылаҿ алхрақәа еиҭамҩаҧгазароуп, аха, иаҳа еиҕьу алхратә лагылазаараҿы, ихьыҧшым алхратә администрациа рыла, жәларбжьаратәи ахылаҧшра ҕәҕәа аҵаҟа.

Ҳара атәыла ахада Саломе Зурабишвили ҕәҕәала ҳлыдгылоит, избанзар, лара адемократиеи Қырҭтәыла евроинтеграциеи лыхьчоит. Европарламент ақырҭуа жәлар ирыдгылоит», — иануп аҳәамҭаҿы.