«Аҧсны Қырҭтәыла иузалымҳуа хәҭоуп, уи аамҭалатәи импыҵахалоуп, Урыстәылеи Беларуси рҟны изакәызаалак аинтеграциа жәларбжьаратәи азини азакәанқәеи ирышьашәалам», — иҳәеит Қырҭтәыла апарламент авице-спикер Давиҭ Сергеенко Урыстәылатәи Дума адепутат  Константин Затулин иҟаиҵаз аҳәамҭа иадҳәаланы.

Затулин иҳәамҭала,  «Аҧсны  Урыстәылеи Беларуси реидгыларатә ҳәынҭқарра» иалалар, Урыстәыла атәылауаа рыла иеиҭамҵуа амал аахәара азҵаара алацәажәара рылшоит.

«Абри зегьы уаҩ иимбац фактуп, уи кыраамҭа изынагӡахом.  270 еиҳаны аҳәынҭқаррақәа рҟынтәи 3 ҳәынҭқаррак мацароуп Аҧсны ахьыҧшымра иазхазҵаз. Агәра ганы сыҟоуп абри зегьы кыраамҭа ишынамгӡахо. Агәра ганы сыҟоуп, ҧасеиҧш, ҳҳәатәы еиқәшәаны ҳшеицынхо», — иҳәеит  Давиҭ Сергеенко.

Аҧсны де-факто ахада  Аслан Бжьаниа ишиҳәаз ала,  Аҟәа Урыстәылеи Беларуси реидгыла алалара иазыхиоуп.