Қырҭтәыла Аенергетикеи аӡылеиқәыршәареи арегулиациатә амилаҭтә комиссиа ахантәаҩы Давиҭ Нарманиа  амедиа ахаҭарнакцәа ирызцәыригеит  2022 шықәсазы акомиссиа имҩаҧнагаз аусура иазку аҳасабырба.

Давиҭ Нарманиа ишиҳәаз ала, арегион атәылақәеи евопатәи атәылақәеи ирҿаурҧшыр, Қырҭтәыла афымцеи аҧсабаратә гази рыхә зегьы раасҭа имаҷуп. Лымкаала, Нарманиа ишазгәеиҭаз ала, атарифқәа рмаҷра аганахьала, иаку аихшарбагаҿы Қырҭтәыла аҩбатәи аҭыҧаҿ игылоуп.

„Ахархәаратә тарифқәа ишыҟаз еиҧш иаанхоит. Ҵыҧх акомиссиаҿ атарифқәа ҳаиҭарыхәаҧшын, ишыҟаз еиҧш иаанҳажьит. Аҧсабаратә газ атарифқәагьы ҵыҧх ишьақәыргылан. Абарҭ атарифқәа ишыҟаз еиҧш иаанхоит. Анеҩстәи шықәсыкибжаки аҩныҵҟала афымца асектораҿ атарифқәа ирыцлап ҳәа ҳгәы иаанагом, агаз атарифгьы азҳара ҳазыҧшым“, – иҳәеит Давиҭ Нарманиа.