ЕАР Ашәарҭадара ахеилак аилатәараҿы  азакәан аиҳаӡара азҵааразы адебатқәа мҩаҧган. Ахадаратә ҵакы змаз азҵаарақәа иреиун Украина иаҿагылоу урыстәылатәи агрессиеи Аҩадатәи Кореиа аиадертә программеи.

Асессиаҿы дықәгылеит ЕАР аҿы Қырҭтәыла ацҳаражәҳәаҩ Давиҭ Бақраӡе. Иара Урыстәыла ала ауаҩытәыҩса изинқәа реилагара далацәажәеит, Қырҭтәылатәи арегионқәа рымпыҵахалареи Украина иаҿагыло аибашьреигьы уахь иналаҵаны.

Ашәарҭадара ахеилак аилатәараҿы данықәгылоз Давиҭ Бақраӡе ишазгәеиҭаз ала, азакәан аиҳаӡара ахьчара аҳәынҭқаррақәа зегьы ируалуп.

Иара иажәақа рыла, ахьыҧшымреи аҵакырадгьылтә акзаареи апринципқәа уҳәа, жәларбжьаратәи зин ахадаратә принципқәа реилагара  аглобалтә ҭынчразы шәарҭоуп.

«Стәыла ҿырҧштәыс ишәзаазгар сҭахуп. Урыстәыла ала импыҵахалоу ҳрегионқәа  — Аҧсни Цхинвалтәи арегиони ирықәынхо ауааҧсыра рыгәҭа иахьагьы ауаҩытәыҩса изинқәа реилагара афактқәа иҟоуп.

Иара убас, Украина иаҿагыло урыстәылатәи агрессиагьы  жәларбжьаратәи зин ахадаратә принципқәеи анормақәеи еиланагоит.

Аха зегьы раасҭа ҳзыргәамҵуа даҽакуп, жәларбжьаратәи зин ахадаратә принципқәеи анормақәеи еснагь еиланагоит ЕАР Ашәарҭадаратә хеилак еснагьтәи алахәыла.

Ҳара Урыстәылахь ааҧхьара ҟаҳҵоит 2022 шықәса хәажәкыра 16 рзы ЕАР Жәларбжьаратәи аӡбарала ишьақәыргылаз   аамҭалатәи аҭагылазаашьақәа нагӡаны, зыҧшра ҟамҵакәа агрессиа иаҟәыҵны,  Украина аҵакырадгьыл зегьы аҟынтә арбџьармчқәеи атехникеи алыргарц», — иҳәеит Давиҭ  Бақраӡе.