«Адемократиеи жәларбжьаратәи зин анормақәеи рышьаҭала ишьақәгылаз ҳтәылақәа реизыҟазаашьақәа иаҳа иҕәҕәахарцаз, ҳпарламентқәа аизыҟазаашьақәа  рыбжьазароуп», — иҳәеит словакиатәи апарламент  ахантәаҩы  Борис Коллар.

Қырҭтәыла апарламент ахантәаҩы Шьалуа Папуашвилии иареи еицымҩаҧыргаз абрифингаҿ  Борис Коллар ишиҳәаз ала, Словакиа Евроеидгылахь Қырҭтәыла аинтеграциа иадгылоит.

«Евроеидгыла алалара апроцесс мариам, аха, ари апроцесс аартызароуп. Евроеидгыла астандартқәа ирышьашәалам ашьаҿақәа ҟаҳамҵароуп, абри амҩаҿ Қырҭтәыла иаҧырхагахар зылшо антимраҭашәаратә риторика мап ацәаҳкроуп.  Ҳара  2004 шықәсазы Евроеидгыла ҳалалеит. Евроинтеграциа ҳхықәкы хадас иҟаҳҵеит. Қырҭтәыла ауааҧсырагьы, абри аҽазышәараҿы еидгылазароуп. Ҳара аполиаризациа аабоит. Аполитикцәа зегьы акзаара иазҿлымҳазароуп. Ҳвизит хықәкык амоуп, Евроеидгылахь Қырҭтәыла аинтеграциа ҳшадгыло ааҳарҧшыр ҳҭахуп», — иҳәеит Словакиа апарламент ахантәаҩы.