«2008 шықәсазы НАТО асаммит аҿы Қырҭтәылеи Украинеи НАТО ашҟа ирыдрымкылеит, уи еиуеиҧшым атәылақәа ирхарарҵеит, аха, аиашаз, ҽакалоуп ишыҟалаз, тәылақәак ирҭахымхеит ҳәа азакәӡам изрыдрымкылаз, НАТО анапхгаҩцәаҵәҟьа Қырҭтәылеи Украинеи рыдкылара рҭахымхеит, убри ауп иҟалаз», — иҳәеит  «Ақырҭуа гәахәтәы» аҳаҭыртә хантәаҩы Биӡина Иванишвили ателееилахәыра  «Имеди» аефираҿ.

Иара иажәақәа рыла, мраҭашәаратә политикцәа   урыстәыла-украинатәи еибашьра иазкны иҟарҵо аҳәамҭақәа хшыҩзышьҭра рзутәуп, дара ишырҳәо ала,  — «зыҧсы ҭоу амч украианаа мацара рыла ишьақәгылазароуп».

«Убри азоуп Қырҭтәылеи Украинеи зырыхьчоз, убри амшалоуп НАТО ашҟа изрыдрымкылаз.  Ҳара ҳгәылара агәымбылџьбаратә еибашьра мҩаҧысуеит, Украина ҳҩызаратә тәылоуп.  2008 шықәсазы иуадаҩӡоу аамҭа ҳҭагылан. Иахьа мраҭашәаратә политикцәа аҳәамҭақәа рацәа ҟарҵоит НАТО ари аибашьра аҽаланагалар ҟалом ҳәа, ҳара Украина аҧара аҳҭоит, абџьар аҳҭоит, аха, зыҧсы ҭоу амч украинаа мацара рыла ишьақәгылазароуп ҳәа рҳәоит.  Европатәи америкатәи аполитикцәа ирҳәоит НАТО урыстәылатәи аимак аҽаланагалар ҟалом ҳәа,  2008 шықәсазгьы уи акәын ирҭахыз,  убри азоуп Қырҭтәылеи Украинеи зырыхьчоз,  убри азоуп НАТО ашҟа изрыдрымкылаз», — иҳәеит  Биӡина Иванишвили.