«Ақырҭуа гәахәтәы» ахаҭыртә хантәаҩы Биӡина Иванишвили аӡиудо азы Қырҭтәыла аизга Адунеи ачемпионатаҿ аиааира рыдиныҳәалеит.

Биӡина Иванишвили иҟаиҵаз адныҳәалара кьыҧхьуп «Ақырҭуа гәахәтәы»  Facebook даҟьаҿы.

«Аиааира дуӡӡа шәыдысныҳәалоит  –  аӡиудо азы Қырҭтәыла аизга адунеи ачемпионс иҟалеит!  Абри аҭоурыхтә аиааира  ааԥсара змам аусуреи, иҳараку азанааҭдырреи, Аԥсадгьыл абзиабареи  иалҵшәоуп. Адунеи ачемпионатаҿ ҳтәыла абираҟ егьырҭ абираҟқәа раасҭа иаҳа иҳаракны ишьҭызхыз амилаҭтә аизга алахәылацәа зегьы ҭабуп ҳәа расҳәар сҭахуп. Ари аиааира аҵакы ҷыда амоуп, избанзар, еилаҧсоу агәыҧтә аицлабрақәа рҿы ақырҭуа ӡиудоистцәа раҧхьаӡа акәны адунеи ачемпионатаҿ аиааира ргеит.  Аӡиудо азы Қырҭтәыла аизгеи инеизакны Қырҭтәылеи даҽазнык аҭоурыхтә аиааира рыдысныҳәалоит», – иануп Биӡина Иванишвили иҟаиҵаз адныҳәалараҿы.

Будапешт  (Венгриа) имҩаҧысуаз Адунеи ачемпионат  еилаҧсоу агәыҧтә аицлабрақәа рфиналаҿ  Қырҭтәыла аизга,  4:1 ҳәа, Аладатәи Кореиа аизга иаиааин, адунеи ачемпионс иҟалеит.