«Аиуристтә ганахьала Хазараӡеи Џьаҧариӡеи Жәларбжьаратәи аӡбарҭа ахәшьара иақәшаҳаҭхеит, дара рымшала  Анаклиатәи абаҕәаза аргылара алымшеит», — иҳәеит аиустициа аминистр ихаҭыҧуаҩ Беқа Ӡамашвили.

Иара иажәақәа рыла, Анаклиатәи абаҕәаза иазку аус аҳәаақәа ирҭагӡаны, ашшыҧхьыӡ алазҵаз ауаа Анаклиатә абаҕәаза аргылара аанкылара  аҳәынҭқарра иахарарҵар рҭахын, дара,  акомпенсациа аҳасабала, абиуџьет аҟынтә 4 миллиард лари иаҳәон.

«Жәларбжьаратәи абжьаҟазаратә ӡбара Қырҭтәыла аиҳабыра ицәырыргаз аргументқәеи ашаҳаҭгақәеи ирықәшаҳаҭхеит. Аӡбара ишьақәнаргылеит  апроект  «Анаклия» дара рхарала ишынарымгӡаз. Дара иаҭахыз аҧара рзымҧшааит, аҳәынҭқарра ари аус аҽаланамгалеит. Уи еиҳангьы, аҳәынҭқарра, изныкымкәа, апроект анагӡара аҿҳәарақәа ацнаҵон.  Жәларбжьаратәи аӡбарҭа зыӡбахәы ҳәоу ақәҵара анаднакыла  ашьҭахь, дара ари ақәҵара иақәшаҳаҭхеит, абаҕәаза аргылара аанкылара дара ирхароуп, мамзар, ари ақәҵара иазашшыр рылшон, аха, ари апроцедура рхы иадмырхәеит. Убри аҟынтә, дара ирықәырҵаз ашәахтә 2 миллион лари ршәеит», — иҳәеит Ӡамашвили.

Жәларбжьаратәи абжьаҟазаратә ӡбара Мамука Хазараӡеи Бадри Џьаҧариӡеи Анаклиатәи абаҕәаза иадҳәаланы иаларҵаз ашшыҧхьыӡ нанамгӡеит.