Аиустициа аминистр ихаҭыԥуаҩ Беқа Ӡамашвили 2003-2012 шықәсқәа рзы анапхгара русура ҭызҵаауа аусеԥшааратә комиссиа аилатәараҿы Ауаҩытәыҩса изинқәа рзы Европатәи аӡбарҭаҿы иҟоу аимакқәа дрылацәажәеит.

Беқа Ӡамашвили иажәақәа рыла, 2003-2012 шықәсқәа рзы аҭыԥ змаз аилагарақәа реиҳара ауаҩытәыҩа изинқәа реилагара – аԥсҭазаара зини аргәаҟреи ирыдҳәалан.

Акомиссиа аилатәараҿы Беқа Ӡамашвили усқәак дрыхцәажәеит, урт рыбжьара Очигава иусгьы.

«Ари аамҭазы еиҳарак иубарҭан аԥсҭазаара азин аилагара, аргәаҟраа. Ажәлар ибзианы ирдыруеит Гиргвлиани иус, ахсаала иазку аус, Навҭлуҭӷтәи аоперациа, абахҭаҿы иҟалаз аилаҩынтра. Арҭ аусқәа ирыдҳәаланы Ауаҩытәыҩса изинқәа рзы Европатәи аӡбарҭаҿ аԥсҭазаара азин еилагара шьақәдырӷәӷәеит.

Аргәаҟра аганахьала, Очигава иус иҿырԥшыгоуп. Уи асистема зегьы ахәшьара анаҭоит. Ауаҩытәыҩса изинқәа рзы Европатәи аӡбарҭа шышьақәнарӷәӷәаз, аҭыԥ аман ауаа асистематә рыргәаҟра.

Очигава иус ҷыдала иалкаатәу усуп – изҩыдоу ауаҩы абахтантә зылшарақәа ԥкәу хаҿыс ддәылҵит ”, – иазгәеиҭеит Беқа Ӡамашвили.