Баҭым иакәшаны ицо, 14 километр аура змоу амҩа автотранспорт азы иаартуп.

Апроект аҳәаақәа ирҭагӡаны, иргылан ҩ-цәаҳәактәи акәатрантә магистрали,   20  ацҳақәеи, 5 аҳапкылҵәақәеи.

Амагистраль ҿыц иргылоуп жәларбжьаратәи анормақәеи ашәарҭадара астандартқәеи ирышьашәаланы.

Баҭым иакәшаны ицо амҩа европатәи амаршрут Мраҭашәара-Мрагылара иаҵанакуеит, ари амаршрут Испаниа иалагоит, анеҩс, аа-ҳәынҭқаррак ирылсны, Ҧуҭ аҟынӡа инеиуеит. Абри жәларбжьаратәи акорридор Мраҭашәаратәи Мрагыларатәи Европа аҳәынҭқаррақәа рыбжьара ахәаахәҭратә аизыҟазаашьақәеи, атуристтә ныҟәарақәеи, акультуратә аимадарақәеи  рзы аҵакы ду амоуп.

Зыӡбахәы ҳәоу амҩа аргылара апроект инагӡан Азиатәи аҿиара абанки  (ADB) Аинфраструктуратә инвестициақәа рзы азиатәи абанки  (AIIB) рҟынтә атәыла иаиуз акредитқәа рҳәаақәа ирҭагӡаны. Апроект  330 миллион  лари иаҧсоуп.