Ахақәиҭра ашҭаҿ «Ақырҭуа гәахәтәы» алхраҧхьатәи акампаниа аихшьаалатә уснагӡатә азы рҽазыҟарҵоит
16:52, 23.10.2024
Иахьа Қарҭ «Ақырҭуа гәахәтәы» алхраҧхьатәи акампаниа аихшьаалатә уснагӡатә мҩаҧысуеит.
Ауснагӡатә аофициалтә хәҭа иалагоит асааҭ 19:00 рзы, «Ақырҭуа гәахәтәы» алидерцәа алхыҩцәа рҿаҧхьа ианықәгыло.
Аофициалтә хәҭа иалагаанӡа аконцерт мҩаҧысуеит.
«Ақырҭуа гәахәтәы» алидерцәа ишырҳәаз ала, иахьа ақырҭуа жәлар даҽазнык ралхра шьақәдырҕәҕәоит.
«Ҳара алхраҧхьатәи акампаниа ибзианы имҩаҧаагеит, Қырҭтәыла ауааҧсыра зегьы ҳарҧылеит. Иахьа афиналтә уснагӡатә мҩаҧаагоит, уаҟа шәнызқьла ҳтәылауаа ҳзыҧшуп. Апатриотизм ду злоу ҳтәылауаа рзы Қырҭтәыла ахьыҧшымроуп ахадаратә ҵакы змоу. Ҳуааҧсыра реиҳара ргәаанагарала «Ақырҭуа гәахәтәы» ауп ҳтәылаҿы аҭынчра аиқәыршәара зылшо», — иҳәеит «Ақырҭуа гәахәтәы» иалахәы Леван Маҷавариани.
