Аинцидентқәа раԥыҟәҟәаареи рызхьаԥшреи рзы амеханизм агәыԥ иконкрету алагала ҟанаҵеит ашәарҭадареи аҭышәынтәалареи рус аҿы, – илҳәеит Аусеицуреи ашәарҭадареи рзы Европатәи еиҿкаара амаӡаныҟәгаҩ хада Ҳельга Мариа Шмид ажурналистцәа данрацәажәоз.

Ҳельга Мариа Шмид лажәақәа рыла, Аусеицуреи ашәарҭадареи рзы Европатәи еиҿкаара адунеи аҿы ашәарҭадара аус адызуло зегь реиҳа идуӡӡоу арегионалтә еиҿкаароуп.

“Ҳара ауаа амшхәбзазара рымазар ҳҭахуп. Аимак аан азарал зауз ауааԥсыра иконкрету ауадаҩрақәа рзырмариахарц ҳҭахуп, ршәарҭадаратә ҭагылазаашьа аиӷьтәра ҳҭахып. Ари Женеватәи адискуссиақәа рымҩаԥгаразы аҵак ду амоуп. Арҭ азҵаарақәа ҳарзааҭгылеит иахьатәи аиԥылараан,” – илҳәеит Аусеицуреи ашәарҭадареи рзы Европатәи еиҿкаара амаӡаныҟәгаҩ хада.