Рикоҭи иаҵанакәа Шорапании Аргвеҭии еимыздо ацыҧҵәаха аргыларатә усурақәа аҵыхәтәантәи аетап аҟынӡа инеихьеит. Ауаа ари ацыҧҵәаха иаҵанакәа, Зестафони иакәшаны ицо амҩа ахархәара рылшоит лаҵара инаркны, –  иҳәеит арегионалтә аҿиареи аинфраструктуреи рзы аминистр Иракли Қарселаӡе Рикоҭтәи ацыҧҵәахаҿы имҩаҧысуа аусурақәа аниба ашьҭахь.

„Зесҭафони иакәшаны ицо амҩа аартра абзоурала, ауаа комфортла, уадаҩрада аиҭаҵра рылшоит, иара убас, амҩатә шәарҭадара астандартқәа иаҳа еиҕьхоит. Амҩа егьырҭ ацыҧҵәахақәа рҿы аргыларатә усурақәа нагӡахоит“, – иҳәеит Иракли Қарселаӡе.

Рикоҭтәи амагистральтә мҩа аргылара аҳәаақәа ирҭагӡаны, зынӡа идыргылоит  52 километр амҩеи, 97 ацҳақәеи, 51 аҳапкылҵәақәеи. Уажәазы  51 аҳапкылҵәақәа рҟынтә  50 игәылҧҟаауп, 51-тәи агәылҧҟаара иаҿуп. Урҭ рҟынтә   38 аҳапкылҵәақәа рыла атранспорт аиҭаҵра иалагахьеит. Иара убас, апроект ала иазҧхьагәаҭоу 97 ацҳақәа рҟынтә 89 дыргылахьеит. 65 ацҳақәа рыла автотранспорт еиҭаҵуеит. Рикоҭтәи ахыҵхырҭа амҩатә цыҧҵәаха аргыларатә усурақәа ирылаҵоуп  2.6 миллиард лари. Аргыларатә усурақәа хыркәшахоит 2024 шықәсазы.