Аҩныҵҟатәи аусқәа рминистрра «Аполициа иазку» азакәан иалагалоу аҧсахрақәа ирызкны аилыркаарақәа ҟанаҵеит
Аҩныҵҟатәи аусқәа рминистрра «Аполициа иазку» азакәан иалагалоу аҧсахрақәа ирызкны аилыркаарақәа ҟанаҵеит, лымкаала, зыӡбахәы ҳәоу аҧсахрақәа инрықәыршәаны, аполициаа, изакәызаалак шьаҭак иҟамкәа ауаҩы дааныркылар рылшоит, ари ауаҩы наҟ-наҟ азин еилеигар шыҟало азы азеиҧш агәҩара иҟазар.
«Иаҵшьны иазгәаҳҭар ҳҭахуп арҭ аҧсахрақәа Европатәи аӡбарҭа астандартқәеи европатәи атәылақәа иреиҕьу рпрактикеи ишрышьашәалоу.
Администрациатә азинеилагара аиҭаҟаҵара апревенциа амзызла, ауаҩы уаанӡа азин еилеигахьазар, наҟ-наҟгьы азин шеилеиго азы агәҩара иҟазар, ари ауаҩы иаанкылара ҟалоит.
Иара убас, иазгәаҭатәуп дарбанзаалак иаанкылоу ауаҩы, иаанкылара азакәанра ашьақәыргыларазы, аӡбарҭа дадҵаалар шилшо, аӡбарҭа ари ауаҩы закәандарала даанкылоуп ҳәа ишьақәнаргылар, ауаҩы иашьашәалоу акомпенсациа иоуеит», — иануп Аҩныҵҟатәи аусқәа рминистрра аҳәамҭаҿы.