Изныкымкәа иҟаҵаз ааԥхьарақәа ирыхәамԥшыкәа, акциа алахәылацәа аҭынчратә аизара анормақәа рҳәаақәа ирҭыҵит, азинхьчаҩцәа азакәан ала иазҧхьагәаҭоу ахархәага ҷыдақәа рхы иадырхәит, – иануп Аҩныҵҟатәи аусқәа рминистрра аланарҵәаз аҳәамҭа аҿы.

“Аҩныҵҟатәи аусқәа рминистрра аусуҩҵәа ауажәларратә аиҿкаара ахьчаразы, Апарламенти Аиҳабыра радминистарциа ахыбрақәа ртерриториақәа рҿы амобилизациа рзууп. Изныкымкәа иҟаҵаз ааԥхьарақәа ирыхәамԥшыкәа, акциа алахәылацәа аҭынчратә аизара анормақәа рҳәаақәа ирҭыҵит, азинхьчаҩцәа азакәан ала иазҧхьагәаҭоу ахархәага ҷыдақәа рхы иадырхәит

Акциа алахәылацәа азакәанхьчаҩцәа раҳаҭыр ладырҟәон, еиуеиԥшым амаҭәарқәа иргәыдырҵон. Амитинг аиҿкааҩцәеи алахәылацәеи рахь даҽазнык ааҧхьара ҟаҳҵоит агәаанагара аарҧшреи аҭынчратә аизарақәеи ахақәиҭра иазку азакәан аҳәаақәа ирҭымҵырц, акциа ҭынч мҩала мҩаԥыргарц.

Акциа алахәылацәа аҭынчратә аизара анормақәа рҳәаақәа ирҭыҵыр, аиҿкаара ахьчара амзызла, азинхьчаҩцәа  азакәан ала иазҧхьагәаҭоу ахархәага ҷыдақәа рхы иадырхәоит”, -иануп аҳәамҭа аҿы.