Аҩныҵҟатәи аусқәа рминистрра Европа Ахеилак Апарламенттә Ассамблеиа ажәахә шьаҭас иҟаҵаны еиуеиҧшым АИХқәа иаладырҵәаз аинформациа ақәҿнаҭуеит. Зыӡбахәы ҳәоу ажәахә ишану ала, 2024 шықәса жьҭаара 26 рзы, Қырҭтәыла апарламенттә алхрақәа раан, Кахеҭи арегион Сиҕнаҟи амуниципалитетаҿ, џьоукы, хықәкыла, анаҧшратә миссиа амашьына агежьқәа ҧхасҭартәын, даҽа машьынак ала иагәҭасит.
Аҩныҵҟатәи аусқәа рминистрра апресс-маҵзура адыррала, амҩа-атранспорттә амашәыр иазкны адырра ианроуҵәҟьа, аҭыҧашҟа инеит апатрультә полициа аекипаж.
«Аҭыҧашҟа инеиз азинхьчаҩцәа анаҧшратә миссиа амашьына арныҟәцаҩ иацәажәеит. Иара ишиҳәаз ала, амашьына амҩа аҿықәаҿ ииргылеит. Амашьынарныҟәцаҩ иажәақәа рыла, амиссиа амашьына аҧхасҭа азаанагазар ҟалап автомобилтә мҩаҿы еиҭаҵуаз егьи амашьына. Арныҟәцаҩ имашьына хықәкыла иҧхасҭартәит ҳәа агәҩара имамызт.
Амҩатә аиҭаҵра аҧҟара еилазгаз ауаҩы иаарҧшра амзызла административтә усеилыргара мҩаҧысуеит», — иануп Аҩныҵҟатәи аусқәа рминистрра аинформациаҿы.