2024 шықәсазы Қырҭтәылантә аекспортахь идәықәҵан  565 миллион адоллар рыхә аҩи аспирт злоу арыжәтәқәеи, ари арбага 2023 шықәсатәи иашьашәалоу арбага аасҭа  24%-ла иаҳа идууп.

Аҩы амилаҭтә агентра адыррақәа рыла, ҵыҧх Қырҭтәылантә адунеи  72 ҳәынҭқаррақәа рахь идәықәҵан 95 миллион литр,  276,1 миллион адоллар рыхә аҩы.  2023 шықәса иаҿаҳарҧшыр, ари арбага  6%-ла иаҳа идууп, ахашәалагьы  7%-ла иазҳаит.

Абарҭ атәылақәа рахь аекспорт азҳаит: Польша – 12%,  Германтәыла – 30%, Америка  – 32%,  Лиетува  – 11%, Британиа Ду – 42%, Ҭырқәтәыла  – 62%, Азербаиџьан  – 34%, Канада  – 16%, Израиль – 2%, Иеиду Араҧтәи Емиратқәа – 80%, Аладатәи Кореиа – 26%, убас егьырҭгьы.

Иара убас, Аҩы амилаҭтә агентра адыррақәа рыла, адунеи  56 ҳәынҭқаррақәа рахь идәықәҵоуп  48 миллион литр аспирт злоу арыжәтәқәа, араагьы ари арбага азҳаит 53%-ла. Аспирт злоу арыжәтәқәа рекспорт аҟынтә атәыла иаиуит  289 миллион адоллар ахашәала  ( 47% азҳара).