Қырҭтәыла апарламент адәныҟатәи аизыҟазаашьақәеи атәылахьаратә комитетқәа еицымҩаԥыргаз аилатәараҿ “Жәлар рымч” иаԥшьыргаз азакәанпроект ахәаԥшра ихыркәшеит. “Атәым агентцәа рҭаҩреи” “Атәым нырра алабҿабареи” ирызкә азакәанпроектқәа ахцәажәаразы аиуристтә зҵаарақәа ркомитет ахь ишьҭуп.

Уаанӡа апарламент адәныҟатәи аизыҟазаашьақәа ркомитет ахантәаҩы Николоз Самхраӡе акомитетқәа еицымҩаԥыргаз аилатәараҿ адепутатцәа дрыҳәеит ари азакәанпроектқәа ахцәажәараз аиуристтә зҵаарақәа ркомитет ахь рышьҭырц.

Аиуристтә комитет аилатәараҿ арҭ азакәанпроектқәа иаауа амчыбжь азы ирыхәаԥшуеит. Апроцедура инақәыршәаны, азакәанпроект актәи аԥхьаразы апленартә аилатәараҿ цәырыргароуп. Апенартә аилатәара аформат аҿы азакәанпроектқәа иаауа амчыбжь азы ирыхәаԥшуеит.