Ацентртә алхратә комиссиа 2024 шықәса жьҭаара 26 рзы имҩаԥгаз алхрақәа рылҵшәақәа цәырнагеит.

Аихшьаалатә ԥкаанҵа ицәыригеит каомиссиа амаӡаныҟәгаҩ Гьаргь Џьавахишвили.

“Алхыҩцәа рхыԥхьаӡара 3 508 294-ҩык иаҟароуп. Алхрақәа рхы аладырхәит 2 111 834-ҩык. Аԥыхын 34 974 абиуллетенқәа. Марнеули иҟаз 69-тәи алхырҭаҿ алхыҩцәа рзыԥхьаӡара 1 643-ҩык иаҟаран, азакәанԥҵара инақәыршәаны ари алхырҭа алҵшәақәа аԥыхын.

2024 шықәса жьҭаара 26 рзы имҩаԥгаз апарламенттә алхрақәа рҿы „Аиҭакразы акаолициа Гварамиа, Мелиа, Гирчи, Дроа“ аиуит 229 161 бжьы (11.03%) – амандатқәа 19;  „Акзаара – Амилаҭтә ҵысра“ – 211 216 бжьы (10.07%) – амандатқәа 16;  „Қырҭтәыла ҕәҕәа – Лело“  182 922 бжьы (8.81%) – амандатқәа 14; „Гахариа Қырҭтәылазы“ 161 521  бжьы (7.78%) – амандатқәа 12;  „Ақырҭуа гәахәтәы“ 1 120 053 бжьы (53,93%) – амандатқәа 89”, – иҳәеит Џьавахишвили.