«Аштат Џьорџьиа агубернатор  Браиан Кемп   —  аофициалтә визитла Қырҭтәыла иаҭааиз раҧхьатәи америкатә губернаторуп», — Қырҭтәыла иҟоу Америка ацҳаражәҳәарҭа ари аинформациа аланарҵәеит  Facebook адаҟьаҿы.

Ацҳаражәҳәарҭа адыррала, аштат  Џьорџьиа, ҷыдала уи Амилаҭтә гвардиа,  кыршықәса рыҩныҵҟа Қырҭтәыла апартниорцәа иреиун.

«Агубернатор Кемп  згәыдурала иазгәеиҭеит Ҵилкани ақыҭан абыргцәа рыҩны шааиртыз,  ари аҩны дыргылеит америкатә аруаа рыцхыраарала. Ари апроект ибзиаӡаны аанарҧшуеит ҳтәылақәа русеицура шыҭбаау,  ҳара еицыҟаҳҵар иҳалшо шырацәоу», — иануп ацҳаражәҳәарҭа аинформациаҿы.

«Қырҭтәылеи ҳареи ҳаизыҟазаашьақәа ссируп, ҳара Қырҭтәыла аиҳабыра ҳрыцхраауеит, ҷыдала ауааҧсыра ҳрыдгылоит. Америкатә аруааи Амилаҭтә гвардиеи акыршықәса рыҩныҵҟа абри аус нарыгӡоит. Араатәи ауааҧсыра аполитика еилыркаауеит, адунеиаҿ имҩаҧысуа ахҭысқәа рдыруеит, Украина имҩаҧысуа аибашьра атәы рдыруеит. Ишубарҭоу ала, Қырҭтәыла ауааҧсыра украинаа рҭагылазаашьа еилыркаауеит.  Убри азоуп америкатә штат Џьорџьиеи Қырҭтәылеи русеицура аҵакы ду замоу», — иҳәеит аштат Џьорџьиа агубернатор.