Ашьапылампыл азы афедерациа Аҩадатәи Македониа аизга алахәылацәа АИХ аҿы иаладырҵәаз аинформациа иааҧҵәаны мап ацәыркуеит. Македониатәи ахәмарҩцәа ишырҳәаз ала, ртәыла аизга алахәылацәа  «Динамо Аренаҿ» имҩаҧысраны иҟаз аҽазыҟаҵаразы иагхеит.

Аҭыжьымҭа  «Спортмедиа» ажурналист  Огнен Доичиновски ихьымӡҕу ашәҟәы алаирҵәеит, иара иҳәамҭала, акоманда,  азыҟаҵаразы  45 минуҭ ала иагхартәы хықәкыла иҟарҵеит.

«Қарҭ автобусқәа ирыхьи? Акоманда азыҟаразы 45 минуҭ рыла иагхараны изыҟази? Аиашаз, уи еилкаам.  УЕФА аҳәарақәа рыла иазҧхьагәаҭоу аполициатә ескорт иҟаӡами, дара аделегациа равтобус зоурмыжьҭи? Қарҭгьы, инеизакны, Қырҭтәылагьы абри зегьы  «ақыҭатә кооператив» ҳгәаланаршәоит», — иануп аҭыжьымҭаҿы.

«Абри зегьы мцуп  — Аҩадатәи Македониа аизга алахәылацәа   аполициатә ескорт рыцын, амҩа дрыцқьеит, дара рҽазыҟаҵара секундк алагьы ихырҧамызт. Македониатәи аделегациа астадионашҟа иаамҭаны инеит. Убри аҟынтә ари атәылаҿы абри аҩыза аинформациа заладырҵәаз еилкаам», — азаарыцҳаит Қырҭтәыла Актәи аканал Ашьапылампыл афедерациаҟынтәи.