Арчил Гордулаӡе — Украина иадҳәалаз иарбанзаалак апозициа Қырҭтәылеи Украинеи ирҿагыло ашьаҿа аҳасабала иахәаҧшуан, ари анарратив алазырҵәоз ауаа амцҳәаразы аҭамзаара шьҭарҵароуп

«Украина зыҧшра ҟамҵакәа Евроеидгылеи НАТОи рахь алалара иақәдыргәыҕит, аха,  уажәы,  атәылахьчара ҧасатәи аминистр ишиҳәо ала,  Украина НАТО иалалоу иаламлоу аӡәгьы издырӡом», — иҳәеит аиуристтә зҵаарақәа рзы апарламенттә комитет ахантәаҩы  Арчил Гордулаӡе Қырҭтәыла Актәи аканал аинтервиу анеиҭоз.

Иара иажәақәа рыла,  еиуеиҧшым абиурократиатә структурақәа рхаҭарнакцәагьы абри аҩызаҵәҟьа аҳәамҭақәа ҟарҵоит.

«Қырҭтәыла дарбанзаалак аӡәы Украина Евроеидгылеи НАТОи ианбарылало ҳәа дҵаар,  иаразнаҵәҟьа Урыстәыла адгылара ихараҵаны,  иқәыҕәҕәара иалагоит. Аҳәаанырцәынтә аҧара зауаз,  аҳәаанырцәынтә ироуаз адҵақәа назыгӡоз ауаа ракәын уи ҟазҵоз. Арҭ ауаа рахь ааҧхьара ҟаҳҵоит аҭамзаара шьҭарҵарц. Дара аполитикаҿы ирҭыҧым.

Аҩбатәи афронт аартра иаҳәоз ауаа ҳарзыӡырҩызҭгьы,  иахьа Украина иҟоу аибашьра ҳара ҳҿгьы иҟалон. Украина иадҳәалаз иарбанзаалак апозициа Қырҭтәылеи Украинеи ирҿагыло ашьаҿа аҳасабала иахәаҧшуан, ари анарратив  алазырҵәоз ауаа амцҳәаразы аҭамзаара шьҭарҵароуп», — иҳәеит Арчил Гордулаӡе.