Алобистцәеи аиҳабацәеи “Амилаҭтә ҵысреи” реизыҟазаашьақәа хьшәашәахеит, урҭ рҽырҵәахыроуп ҳәа изныкымкәа ҳҳәахьеит. Абас егьыҟалеит. “Амилаҭтә ҵысра” шьҭахьтәи аган аҟны иҟоуп, иҵәахуп, еимдырпит, урҭ рҟынтә иаанхаз агәыԥқәа рыла еицтәароу иҳәынҭқарартәм еиҿкаарақәа шьаҭаркын, – иҳәеит апарламент авице-спикер Арчил Ҭалакваӡе.

Арчил Ҭалакваӡе иажәақәа рыла, аиҳабыра ирымаз апрогнозқәа нагӡоит.

„Иахьа атәылауаҩратә уаажәлара “иҳәынҭқарартәым аиҿкаарақәа” рполитизациеи адестабилизациатә процесс рҽалархәреи роуп ԥырхагас ирзаазго. Арҭ афондқәа амаргиналтә гәыԥқәа аԥара рырҭоит  – абри ауп аартызаара азакәан изызку. Иҳамаз апрогнозқәа ииашан – аҭынч акциақәа амчылара иахылҵит, избан акәзар адестабилизациеи аилаҩынтреи зҭаху аоппозициа арҭ ҿагыларатә уснагӡатәқәа иахагылоуп , урҭ ари аус аҿы аԥышәа ду рымоуп”, – иҳәеит Ҭалакваӡе “Имеди лаив” афеир аҿы.