Апарламент авице-спикер  Арчил Ҭалакваӡе игәаанагарала, Гаагатәи аӡбарҭа апрокурор идикылаз ақәҵара  – ҳтәыла аиҳабыреи ауаажәлари жәларбжьаратәи аренаҿ ироуз ақәҿиароуп.

Ҭалакваӡе ишазгәеиҭаз ала, Страсбурги Гаагеи ирыдыркылаз азинтә аӡбарақәа Қырҭтәыла аҵакырадгьылтә акзаара аиҭашьақәыргылара иацхраауеит.

«Урыстәыла иаҿагылоу аус аҿы Страсбург иҳауз аиааира ашьҭахь,  жәаҳәарада,  аиашара азықәҧараҿы уажәгьы зҵакы дуу ақәҿиара ҳауит.   Сара агәра ганы сыҟоуп Страсбурги Гаагеи ирыдыркылаз азинтә аӡбарақәа Қырҭтәыла аҵакырадгьылтә акзаара аиҭашьақәыргылара ишацхраауа.  Ари ақәҵара даҽазнык ишьақәнарҕәҕәеит жәларбжьаратәи зин инақәырәшаны Қырҭтәыла аргументқәа зегьы шиашоу.  Қырҭтәыла ииашоуп, сара еснагь агәра ганы сыҟан аиашара ашьақәырҕәҕәара шыҟало. Ҳаиҳабыра рхаан ари ахырхарҭала аусура ду мҩаҧган. Ҳара агәра ганы ҳаҟан аиашара ашьақәырҕәҕәара шҳалшо», — иҳәеит Ҭалакваӡе.

Гаагатәи аӡбарҭа апрокурор хада  Карим Хан иахьа ишааицҳаз ала,  Нанҳәатәи аибашьра аус азы аусҧшаара аетап хыркәшоуп, аха,  Михаил Минӡаеви,  Гамлет Гучмазови,  Давиҭ Санакоеви ахара рыдҵареи рус аӡбареи азы аусура инагӡоит,  дара раанкыларазы аордер иҟоуп.