«Ақырҭуа гәахәтәы» Аконституциа иалалараны иҟоу «Аҭаацәаратә ацқьареи зықәра имнеиӡац ахаҿқәа рыхьчареи» ирызку азакәанқәа рпакет цәырнагеит, – ааицҳаит абрифинг аҿы апарламент ахантәаҩы Шьалуа Папуашвили.

Папуашвили иажәақәа рыла, апакет 19 закәан рыла ишьақәгылоуп – ашьаҭатәи закәани 19 иацу 18  закәанқәеи: Актәи – аҭаацәара алалара иазку, аҩбатәи  – ԥас (ԥҳас) аҟаҵара иазку, ахԥатәи – ахаҵара-ԥҳәысра аԥсахра иазку аоперациақәа рымҩаԥгаразы ақәиҭымтәра иазку, аԥшьбатәи – аҳәынҭқарра аҟынтә атәылауаҩ иоуа адокументқәа рҿы ахаҵара ма аԥҳәысра ацынхәрас, даҽа жәла аарԥшразы ақәиҭымтәра иазку, ахәбатәи – аҵарадырра ахырхарҭаҿ LGBT апропаганда аларҵәара ақәиҭымтәра иазку, афбатәи – аинформациа аларҵәара иазку, абжьбатәи – аизарақәеи аманифестациақәеи ирызку, аабатәи – аџьа иазку еизыҟазаашьақәа ирызку.

Иара убас лаҵара 17 – Аҭаацәаратә ацқьара мшны ирылаҳәоуп.