Ақырҭуа бизнес ахаҭарнакцәа акандидат астатус аиура ашьҭахь Қырҭтәыла европатәи аинвестициақәеи,  ахәаахәҭреи,  атуристцәа рхыҧхьаӡареи азҳара иақәгәыҕуеит.

Абизнес-хеилак Евроеидгыла-Қырҭтәыла анагӡаратә директор Гьаргь Каҷарава Қырҭтәыла Актәи аканал ишазааицҳаз ала,  аҳәаанырцәтәи инвесторцәа рыла Қырҭтәыла азҿлымҳареи акредиттә реитингқәа рҿы Қырҭтәыла ахәшьареи шьҭыҵуеит.

«Аҳәаанырцәтәи аинвесторцәа ҳтәыла иаҳа иазҿлымҳахоит. Иара убас, акредиттә реитингқәа рҿы Қырҭтәыла ахәшьара шьҭыҵыр ҟалап. Насгьы, аҵакы ду амоуп  алалара аҽазыҟаҵара иазку амеханизм аҧҵара. Ари ацхыраара ҳтәылауаа ирыдкьыслоит, астудентцәеи, аҵарауааи, анаплакҩцәеи, афермерцәеи уҳәа убас егьырҭгьы. 3 – 4 шықәса рыла ацхыраара  аицҵалыҵ миллиардбжак евро иаҟарахар ауеит, убри ала ҳтәыла зҵакы дуу адгылара аиуеит. Иара убас, ҳара акандидат астатус иахылҵуа алшарақәа зегьы ҳхы иаҳархәароуп. Аинфраструктуратә проектқәа рырҭбаара алшара ҳауеит. Аиҳабыреи, абиснес-сектори, адонортә аиҿкаарақәеи рҽазышәарала, хара имгакәа алҵшәа бзиа ҳауеит ҳәа сгәы иаанагоит», — иҳәеит Гьаргь Каҷарава.