Апрокурор хада Гьаргь Гваракиӡе  апарламент адигалеит иҳаҩсыз ашықәс азы Қырҭтәыла Апрокуратура  аусура иазку аҳасабырба.

Аҳасабырбаҿы ишазгәаҭоу ала, акоррупциа аҿагылара аганахьала  2025 шықәсазы  ақәҿиарақәа шыҟазгьы, апрокуратура ари ахырхарҭала аусуреи апревенциатә шьаҿақәа рыҟаҵареи нанагӡоит.

Иара убас, адокумент аҿы иарбоуп аусеилыргаратә органқәа русураҿы аҧыжәара зауа ахырхарҭақәа, урҭ иреиуп   — азакәандаратә хашәала алегализациеи, анаркоацәгьауреи, ауаа рыла ахәаахәҭреи, зықәра наӡам рганахьала ацәгьауреи, аҭаацәараҿы аҳәса рзы амчылареи, хазхаҭалатәи аҧсҭазаара аламкьысра аилагареи, иара убас, еиуеиҧшым аекономикатә ацәгьаурақәеи ирыдҳәаланы иџьбароу аполитика амҩаҧгара.

«Аиашаӡбара амҩаҧгара аан ҳара ҳзы ахадаратә ҵакы амоуп ауаа рзинқәеи рзакәантә интересқәеи рыхьчареи, иара убас, ауааҧсыра рҟынтә агәрагара аизырҳареи.  Апрокуратура, атехнологиатә аҿиареи, апрофессионализми аквалификациеи ашьҭыхреи иазку  аинституциатә арҕәҕәара нанагӡоит. Апроблемақәа  шыҟоугьы, агәра ганы сыҟоуп,  ашьауҕатә политика ииашеи, еиқәшаҳаҭны аусеицуреи, апрокуратура аусзуҩ цыҧхьаӡа иҽалархәреи ала ҳара аҳасабтәқәа зегьы рынагӡара шҳалшо», — иҳәеит Гьаргь  Гваракиӡе.