Апроект "Ранина" абыжьбатәи сезон аиааирагаҩы Андриа Ҧуҭқараӡе Қырҭтәыла ахьӡала Ахәыҷтәы Евровизиа -2024 аҿы дықәгылоит

19:50, 30.07.2024

Апроект “Ранина” абыжьбатәи сезон аиааирагаҩы Андриа Ҧуҭқараӡе Қырҭтәыла ахьӡала Ахәыҷтәы Евровизиа -2024 аҿы дықәгылоит.

11 шықәса зхыҵуа Андриа Баҭым диит. Ашәаҳәара далагеит ҩышықәса анихыҵуаз, фышықәса анихыҵ инаркны авокалтә ансамбль «Амшын аҧацәа» далахәып.

2024 шықәса лаҵара 26 рзы Андриа «Ранина» абыжьбатәи асезонаҿ аиааира игеит.

Андриа Ҧуҭқарадзе Қырҭтәыла ахьӡала ахәыҷтәы «Евровизиа» аҿы дықәгылоит абҵара 16 рзы, Мадрид ақалақьаҿ.