Аҧыза-министр инапхгарала аус зуа Аекономикатә хеилак аусура нанагӡоит аформат ҿыц ала.

Аҧыза-министр ипрессмаҵзура адыррақәа рыла, ахеилак аилазаара иаҳа иҭбаахоит, аиҳабыра алахәылацәа инрываргыланы, ахеилак аусура рхы аладырхәоит апарламент алахәылацәеи, аиҳабыра радминистрациа ахаҭарнакцәеи, абизнесомбудсмени.

Аҧыза-министр Иракли Кобахиӡе ишиҳәаз ала, ахеилак аилазаара арҭбаара акоординациа еиҕьнартәуеит, зҵакы дуу азҵаарақәа рыхәаҧшра апроцессаҿ  аганқәа зегьы рылахәызаара аиқәыршәара иацхраауеит.

Ирҿыцу аформатаҿ раҧхьаӡа акәны еизаз ахеилак алахәылацәа аекономикатә азҳара аганахьала сынтәа иҟоу апрогресси аинфраструктуратә проект дуқәа рынагӡара апроцесси иалацәажәеит. Ахеилак алахәылацәа  наҟ-наҟ инарыгӡараны иҟоу апроектқәеи аинвестициатә инициативақәеи ирзааҭгылеит.

Иара убас, Аекономикатә хеилак аформатаҿ  аструктуратә реформақәак рзгьы еиқәшаҳаҭхеит, ҳаҧхьаҟа арҭ ареформақәа азакәанҧҵаратә инициативақәа рҿы иарбахоит.