Қырҭтәыла аҧыза-министр Иракли Кобахиӡе, Бақәа, Аклимат аҽаҧсахра иазку ЕАР  29-тәи аконференциа аҳәаақәа ирҭагӡаны аишәа гежь аформатаҿ имҩаҧгаз аиҧылара  – Energy: Advancing Climate Mitigation Action ихы алаирхәит. 

Аиҳабыра рнапхгаҩы данықәгылоз, аклимат аҽаҧсахра иахылҵуа апроблемақәа раҧыхразы Қырҭтәыла аиҳабыра иҟарҵо ашьаҿақәа дрылацәажәеит. 

Иракли Кобахиӡе ишазгәеиҭаз ала, атәылаҿ зырҿыцра ҟало аенергиа иаҳа ахархәара аиуеит, аенергоеффектра еиҕьартәуеит, иара убас, аклимат аҽаҧсахра иахылҵуа апроблемақәа рырмаҷра иазку аглобалтә политика иашьашәаланы, азаканҧҵаратә реформақәа мҩаҧыргоит, атехнологиа иаҵәақәа  аҧара рыларҵоит. 

Аҧыза-министр зырҿыцра ҟало аенергиа иазку азакәангьы далацәажәеит, ари азакәан зырҿыцра ҟало аенергиа ахырхарҭа иаҳа арҕәҕәара иазкуп.  

Иара убас, аиҳабыра рнапхгаҩы данықәгылоз,  Амшын еиқәа аӡаҵантәи афымцатә кабель апроект аҵакы дазааҭгылеит. Ари апроект аимадара арҕәҕәареи Аахыҵ Кавказ атәылақәа рҟынтә Евроеидгылахь зырҿыцра ҟало афымца амҩангареи иазкуп, иара убас, ари апроект аенергетикатә хьыҧшымреи аенергетикатә портфель адиверсификациеи иацхраауеит.  

Иракли Кобахиӡе иҳәамҭала, амилаҭтә уснагӡатәқәа рплан инақәыршәаны, Қырҭтәыла аиҳабыра, атәылаҿ афымца инеизаку ааглыхра аҟынтә 27.4 наӡына зырҿыцра ҟало афымцатә хыҵҵырҭақәа рҟынтә ааглыхреи, арацәаӡы аемиссиа армаҷреи, аенергоеффектра аиҕьтәреи иацхрааша ашьаҿақәа рыҟаҵара нарыгӡоит.