Биӡина Иванишвили Мцхеҭа, алхраԥхьатәи кампаниа алахәылацәа рахь ааԥхьара ҟаиҵеит

Жьҭаара 26 рзы имҩаԥысран иҟоу алхрақәа ареферендум еиԥшхоит, ажәлар аибашьреи аҭынчреи, атәреи ахақәиҭреи, адоуҳатә деградациеи ақьарсиантә хәынаӡарақәеи, ашкәакәеи аиқәаҵәеи рыбжьара, европатәи аԥеиԥш алырхроуп, – иҳәеит Апартиа “Ақырҭуа гәахәтәы” пату зқәу ахантәаҩы Биӡина Иванишвили Мцхеҭа имҩаԥгаз  алхраԥхьатәи аизара аҿы данықәгылоз.

Иванишвили иажәақәа рыла, “Ақырҭуа гәахәтәы” алхрақәа рҿы аиааира аганы, амилаҭтә зҵаарақәа рыӡбаразы, аконституциатә аиҳара аиуроуп.

Биӡина Иванишвили ишазгәеиҭаз, ихадоу зҵарақәа иреиуп “Амилаҭтә ҵысреи” уи иадҳәалоу апартиақәеи русзура ақәиҭымтәра, аконституциатә аҩаӡараҿ хаҵеи хаҵеи, ԥҳәыси ԥҳәыси реибагара, атәыла атерриториатә аиҿкаашьа аиҭахәаԥшра.

Иванишвили иажәақәа рыла, атәылаҿ аҭынчра ахьчара “Ақырҭуа гәахәтәы” мацара алшоит.

“Арегион аҟны ицо аибашьра иауа ашықәс азы хыркәшоит. Мызқәак ирылагӡаны ҳхы ҳахьчароуп, аилаҩынтәреи аҩбатәи афронт аатра зин аӡәгьы иаҳамҭароуп, ҳтәыла ҳахьчароуп, аибашьра анхыркәшалак, Қырҭтәыла амилаҭтә интересқәа рԥырхагахара аӡәгьы илшом.

Жьҭаара 26 рзы имҩаԥысран иҟоу алхрақәа ареферендум еиԥшхоит, ажәлар аибашьреи аҭынчреи, атәреи ахақәиҭреи, адоуҳатә деградациеи ақьарсиантә хәынаӡарақәеи, ашкәакәеи аиқәаҵәеи рыбжьара, европатәи аԥеиԥш алырхроуп”, – иҳәеит Иванишвили.