Апарламенттә оппозициа аҟынтә аҳәса-депутатцәа,  Евроеидгыла 12 абжьагарақәа рынагӡара иадҳәаланы,  ацҳаражәҳәаҩцәа ирҧылеит. Дара Бырзентәылеи, Венгриеи, Франциеи, Норвегиеи, Швециеи, Нидерланди, Финлиандиеи ацҳаражәҳәаҩцәа рпозициа рзаадырҧшит.

Афракциа  «Иаку амилаҭтә ҵысра» Хаҭиа  Деканоиӡе ишылҳәаз ала,  аиҧылараҿы Ника Гварамиа изҵаареи,  апарламентаҿ иҟоу агендертә аиҟарара ахеилак ароли,  Венециатәи акомиссиа абжьагарақәеи ирылацәажәеит.

«Европатәи ҳамҩа – раҧхьа иргыланы излацәажәатәу темоуп,  12 абжьагарақәа рынагӡара ҳтәылазы зеиҧшҟамлац аҵакы амоуп,  аха,   «Ақырҭуа гәахәтәы» ахаҭарнакцәаа уи азы аполитикатә ҭаххара рымам. Ҳара ацҳаражәҳәаҩцәа ираҳҳәеит ҳполитикатә платформақәа шеиҧшымгьы,  акандидат астатус Қырҭтәылазы аҵакы ду шамоу,  Қырҭтәыла ауааҧсыра уи шьақәдырҕәҕәеит», — илҳәеит  Хаҭиа Деканоиӡе.

Иара убас,  аиҧылара рхы аладырхәит адепутатцәа: Ҭеона Ақубардиа, Хаҭуна Самниӡе, Анна Нацвлишвили, Саломе Самадашвили, Ҭамар Корӡаиа, Анна Буҷукури,   Қеҭеван Туразашвили.