Апарламент иахьатәи аилатәара аиҿагыларала иалагеит .

Апартиа  «Атәылауаа» аҟынтә адепутат  Алеко Елисашвили апарламент аилатәараҿы дықәгыланы,  аҳәаанырцәтәи афинансыркра аартызаара иазкны анапхгаратә партиа иқәдыргылаз аинициатива дахцәажәеит.

«Ари азакәан архынҳәра ҳазынтәгьы ахьымӡҕ  ҳнаргоит. Ари азакәан  — урыстәылатәиуп», — иҳәеит  Елисашвили.

Апарламенттә аиҳара Елисашвили иҳәамҭа ргәамҧхеит,  убри амшала адепутатцәа аимак рыбжьалеит.

Апарламент ахантәаҩы адепутатцәа рахь ааҧхьара ҟаиҵеит атермин  «урыстәылатәи азакәан» рхы иадмырхәарц.

«Уажәы шәара Қырҭтәыла иаҿагыло апропаганда мҩаҧыжәгоит. Сара уи азин шәысҭом.  Дарбанзаалак адепутат ақәгылараан атермин «урыстәылатәи азакәан» ихы иаирхәар, амикрофон ҿысхуеит.  Қырҭтәыла иаҿагыло апропаганда амҩаҧгара шәаҟәыҵ. Ҵыҧх уи шәанаҳажьит, сынтәа ус зыҟалом», — иҳәеит  Папуашвили.

Шьалуа  Папуашвили  Алеко Елисашвили азалантә ддәылицеит.