Апарламент иалоу аоппозициатә партиақәеи зхы иақәиҭу адепутатцәеи аҳәамҭа аладырҵәеит. “Астратегиа Аӷмашенебели”, “Амилаҭтә ҵысреи”, “Лелои”, “Ареспубликатәи партиеи” зхы иақәиҭу адепутатцәеи рҳәамҭаҿ ишану ала, Еврокомиссиа арекомендациақәа рынагӡареи, акандидат статус анашьареи, уи ашьҭахь Евроеидгыла алалареи Қырҭтәылазы аҭоурыхтә шансуп, хықәкы хадоуп.

“Ақырҭуа гәахәтәы” арекоменадциақәа рыдкылара аҽныҵәҟьа Евроеидгыла арекомендациақәа рынагӡара иаҿагылоу иконкрету аҳәарақәа хԥа ықәнаргылеит: 1. адеолигархизациа Биӡина Иванишвили иганахьала амҩаԥгара шыҟамло, 2. “Ақырҭуа гәахәтәы” азинӡбаратә системаҿ акланқәеи, аполитизациа змоу азинӡбареи рыҟазаара шазханамҵо, 3. “Ақырҭуа гәахәтәы” Шарль Мишель иеиқәшаҳаҭрала иахыԥхьагәаҭоу, еиқәшаҳаҭу аконституциатә ԥсахрақәа рымҩаԥгара заанаҵы мап рыцәнакит,” – иануп аҳәамҭа аҿы.

Апарламент иалоу аоппозициатә партиақәеи зхы иақәиҭу адепутатцәеи рҳәамҭаҿ ишану, урҭ,Европатәи арекомендациақәа рынагӡаразы иаҭаху азакәанԥҵаратә аԥшьгарақәа рынагаразы,  анапхгара рҟынтә рхы иақәиҭны аусуратә процесс иалагеит.