«Европатәи Қырҭтәыла» алхратә сиа иалахәы  Армаз Ахвледиани  иҳәамҭала,  амедиаторцәа ирыдаргалаз адокумент ҿыц инапы аҵаиҩуеит.

Армаз Ахвледиани игәаанагарала, аоппозициатә мчқәеи хазы иҟоу аоппозиционерцәеи Қырҭтәыла ииашоу аполиткиатә процесс алагара иадгылароуп.

«Мишель идокумент  акризис алҵраҿы Қырҭтәыла иацхрааша мҩа заҵәуп ҳәа сгәы инаанагоит. Убри аҟынтә,  сара абри адокумент садгылоит», — иҳәеит  Армаз Ахвледиани.

«Европатәи Қырҭтәыла» алхратә сиа егьи алахәыла Шалва Шавгулиӡе игәаанагарала,  аиқәшаҳаҭра атекст ссируп ҳәа узыҳәом,  аха,  иудукыларатәы иҟоуп.

Шавгулиӡе иҳәамҭала,  изаамҭаным алхрақәеи ахаланапхгаратә органқәа рахь алхрақәеи реидҳәалара дақәшаҳаҭым,  иара убас,  Гьаргь Руруеи Ника Мелиеи рхақәиҭтәра азҵаарагьы цқьа еилыргатәуп.

«Гирчи» алидер Зураб  Джаҧаридзе   Facebook аҿы ишиҩыз ала, амедиаторцәа ирыдаргалаз адокумент ҿыц инапы аҵаиҩуеит,  избанзар уи аҿы иарбоуп аполитбаандаҩцәа рхақәиҭтәра аконкреттә механизмқәа, иара убас,  адокумент инақәыршәаны, апарламенттә алхрақәа мҩаҧгазароуп апропорциатә система мацарала.

Иара убас,  Зураб Джапариӡе ишиҳәаз ала,  агәра ганы дыҟоуп зыӡбахәы ҳәоу адокумент акризис алҵра ишацхраауа.